169. Mardagang Au i Tanoh On

do=es; BL 191
 
1. Mardagang au i tanoh on, hasusuranku daoh hunjon,
In ma Jerusalem na jenges. Jahowa pajonamkon in,
bai daroh-Ni anak-Ni in; Hujin sol laho tonduy-hu
Pardagang au i tanoh on, hasusuranku daoh hunjon.
 
2. Pardalan diri sai hinsah, sonin homa ajalhu roh;
Na lopus in seng tarulaki. Siluk do bois bohalhon,
Urasi, Jesus uhurhon, janah palihar pangidahku!
Manrotap uhur tanoh in, mangayak na i surga in.
 
3. Mahol homa do dalan in, age na lao hu surga in,
buei jagaon uhurhu. Sompit do dalan, munsuh in,
mangambat au ulang hujin, hotop tartolsu do naheihu,
janah lungun do dalan in; Sai jut do tong pingkirankin.
 
4. Hotop hurangan uhurhin bai sondang ni Tuhanta in,
hubani holongni atei-Ni. Ai sanggah na tarsosak au,
‘ge saran pe seng jumpah au; Sonin pe lupa do sunsahni,
anggo mardingat tonduyhin bai surga siayakonnin.
 
5. O Jesus, Naibata hinan, na jadi jolma nahinan,
hape mardagang songon ahu; Nuan humbani Hata-Mu,
tuduhkon Ham bokas-Mu; Padonok Ham Bamu uhurhu,
Tongtong da hagang goluhkon, siluk parayak Ham ma au.
 
6. Gomgom daging, tonduyhin marhite-heitei Tonduy-Mu.
patongtong uhurhon manahan; Hotop do lao targompang au,
sai togu au, arahkon au, lingodi au bai hasosakan,
Sondangi bani holong-Mu, uhurhu bai na golap in.
 
7. Madatei narus tonduyhin ibaen sihol bai Jesuskin,
Bamu pasonang ma uhurhu; Pitpihonsi ma matangkon,
Bamu ma alop anak-Mu hu parontian ni horungku;
Ijin ma au i lambung-Mu, hasoman najah kawan-Mu.
 
8. Pardagang au i tanoh on, na marsik i dunia on;
I surga do diha-dihangku, Ijin ma rapkon huankin,
Tongtong hupuji Goran-Mu, patidak holong ni ateihu.
O Jesus, Sipaluah au, podas ham roh, masihol au.
 
FransOsischer, 1562, Choral Buch, No 172

>>170. Sai Nagori Atas Do

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s