171. Haganupan Jolma Ningon Matei

Doding Ajal ni Jolma  >>

do = c; BL 186
1. Haganupan jolma matei, ningon matei daging in;
Na manggoluh ningon matei, ‘se madear use in.
Badan on do gabe bangkei, ai maningon gabei danei,
Se magira bangkit in, bai hasangaponni in.

2. Ai pe lang be tahanonku uhur ni Naibatakin;
Huberehon pe hosahku, lang be pusok uhurhin.
Ai bai ugah ni Jesusku dapot au hagoluhanku;
Ibaen parmatei-Ni in do tarapoh uhurhin.

3. Jesus Kristus domma matei, halanin manggoluh au,
Tuah pe marbagei-bagei, ai pe misir ma lah au,
Manadingkon pardagangan, mangayaki hasonangan,
Mandapoti Jesuskin, ai siholan au hujin.

4. Sonang ma tongon uhurhu, anggo jongjong au ijin,
Ampa ganup hasomanku na marhasangapan in.
Serapim pe mamberehon sangap pakon hatunggungon,
Idodingkon ma ijin: Sangap ma bai Tuhan in.

5. Dihut do ijin homani na porsaya haganup:
Ompung pakon nabi-nabi, ‘ge Apostel haganup.
Ai marribu do tahunni lao marayak hasonangan,
Ganup na mapansing in, pasangapkon Tuhan in.

6. O Jerusalem na jenges, lihar ni sinalsalmin!
Sonang au anjaha mesek manangihon dodingmin.
Hamegahon do na poltak, hatuahon do na mulgap;
On ma ari in tene, na so ra maronti be.

7. Ai idahon ni matangku hasangapon in ganup,
Hapintoron do hiouhu, na pabangkit au talup.
Na marrudang hamonangan, jongjong au bai hasonangan.
Mandompakkon Naibata, sai tongtong Heleluya!

Choral Buch 10, Jakob Hintze 1678; Alle Menschen müssen sterben
<< 170. Sai Nagori Atas Do

172. Lao ma Au, Lao ma Au >>

   
 
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s