293. Jerusalem! Ham Huta na Gijang

do = es; BL 198
 
1. Jerusalem! Ham huta na gijang. Sai sol bamu au on!
Malungun au, janah siholam au. Sihol marayak Ham
Daoh hun bani tanoh ‘ge laut hombun in.
Hu babou ni ganupan, mardalan uhurhin.
 
2. O ari in, na lihar in botul, antigan tingkimin?
Ase ijin marolob-olob au, dob ondos tonduyhin.
Bai tangan ni Tuhanku simada in hinan;
Ondos tuah hu bangku i surga na sonang.
 
3. Lang be dokah na lao ma tonduyhin, marayak surga in.
Tading ganup na dong i tanoh in, torang ma langkahkin;
Ai suruh-suruhan-Ni isuruh Jesus in.
Iabing bai tangan-Ni au tinobus-Ni in.
 
4. Jerusalem, masihol au bamu, sai ungkab labah-Mu
Dokah tumang siholhu hu Bamu, sanggah bai goluhkon.
Na gok bai hamarsikon janah doyuk homa;
Sanggah nape hujalo rupeihu na tongtong.
 
5. Ai ise do ganup na das hujai marhasangapon in?
In ma tongon na monang in hinan, na roh hun tanoh in.
Sai sonang do sidea na marsortali in;
Humbai na daoh huidah na lao jaloonkin.
 
6. Kristen buei sonai ‘ge nabi pe, ampa apostel in;
Ijia do sai iporsani bei hayu parsilang in;
Nuan marhaluahon marhasangapon rup;
Ai bani haliharon huidah haganup.
 
7. Doh ai use, dub ondos au hujin, masuk hu surga in.
Naibatangkin rap pakon Jesuskin, huidah ma ijin.
Ijai pe timbul tuah, malas ma uhurhin;
Mandoding : Haleluya! Bai na mapansing in.
 
8. Eta ganup! Ai rap mandoding do ganup i surga in.
Sarunei pe ampakon gonrang in, marhata do ijin;
Ai Naibata ipuji  ‘ge Tuhan Jesus in,
ampa Tonduy Na Pansing mambaen sangap-Ni in.
 
9. Ham ma tongon ituju uhurhon, han huta na gijang;
Sobalan au nuan i tanoh on, sai huparsinta Ham;
Ganup tadingkononku na laho magou in.
Ase parayakonku hutangku, surga in.
 
 
Choral Buch 125, Erfurt, 1663
 
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s