275. Martuah Do Na Marhaposan

Doding Paruntolon  >>

do = bes; BL 108
1. Martuah do na marhaposan, bai Naibata Bapanta in,
Ai in do dapot pangapohon, bai ganup sitaronon in,
Seng horsik be onjolanni, na mangkaposi Tuhan in.

2. Ai anggo sai holoshan hita, ai aha ma gunani in?
Anggo borat tongtong uhurta, mardingat sitaronon in,
‘Tor in ma mangkurangi in? Sai tambah do pangkorhonnin.

3. Halani ai, pasoh ma lobei janah palamlam uhurmin;
Manonggor atap ra ham holi mangunduk bai Naibatamin;
Ai Ia do mamilih ham, ibotoh do na porlu bam.

4. Ibotoh Jesus adanganni, mamben hamegahonta in;
Asal ganup hita haposan, ulang marladung be ijin.
Itongos do na jenges in, na so agak ni uhur in.

5. Ulang uhurmu mangagakkon, ham itadingkon Naibata.
Janah na so marsitaronon, in do iabing Naibata.
Barang sintong pingkiranmin, ujungni patandahon in.

6. Urah do anggo bai Tuhanta, marguru bai rosuh-Ni in.
Na bayak boi pasombuhon-Ni, janah bayak na sombuh in.
Longang magira uhurmin, mangidah pambaenan-Ni in.

7. In pe haposayai ma Tuhan, bujur horjahon rupeimin,
Sai Ia ma tongtong irikkon, ajamkon panumpak-Ni in,
Na mangajamkon Tuhan in, seng anjai boi tartading in.

Chral Buch 218, Georg Neumark, 1657; KJ 379, Yang Mau Dibimbing oleh Tuhan
<< 274. Lang Bulih Ham Mardalan

276. Sonang do Uhurhu >>

   
 
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s