212. Ho Tinobus ni Tuhanmu

Es = do; BL 91
 
1.  Ho tinobus ni Tuhanmu, ai dohor Naibatamin
Sai pasada pingkiranmu, ase sabou uhurmin
Sai patorus ma langkahmu bai Tuhanmu uhurmin
 
2.  Sai pahusor bai uhurmu, pangkopkop ni Jesus in
Pitah halani dousamu do tarsilang Tuhanmin
’Se maluah, ’se martuah, hita na mardousa in.
 
3.  Tarkawahkon ho Tuhanmu sanggah na tarsilang in?
Lang taruhir bai uhurmu, borit ni tinaronNiin?
Sai gogoi mambalosi holong ni uhur-Ni in
 
4.  Sihol ma horuhononmu haganupan dousamin
Age hagoluhanmu tinaron ni Tuhanmin
Sai porluhon mansopotkon haganupan dousamin
 
5.  Ingatonku tinaron-Mu, hutadingkon dousakin
Sai totap ma pangkopkop-Mu mangiankon uhurhin
Tonduy pakon angkulangku, upah ni tinaron-Mu
 
6.  Na so bulih nunutonku mangkorjahon dousa in
Na so bulih horuonku Ham, o Jesus Tuhankin
Sai rosuh ma Ham, Tuhanku, dompak au hinopkop-Mu
 
7.  ’Ge borat pe sitarono, tong do au i lambung-Mu
Halamlamon, hapormanon, isuankon silang-Mu
Ham Rajangku, o Tuhanku, das bani na matei au
 
8.  Pangkopkopon ni Tuhanku, in do sijolomankin
Pitah in pasaud langkahku, marayakkon surga in
Lao mardomu, lao manggoluh ampa Jesus Tuhankin.
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s